Dokumentu Akzioak
Albisteak
Maila bat gorago37 tabernak eta jatetxek egin dute bat “Zornotzan JAN ALAI”, Amorebieta-Etxanoko Pintxo-Ibilaldiaren bigarren edizioarekin
• Ekainaren 26tik 30era bitartean burutuko da gastronomia-hitzordua Amorebieta-Etxanon. • Zornotzako ostalarien lan bikainari zor zaion aintzatespena ematea eta udalerriko ostalaritza sektorea dinamizatzea da ekimenaren helburua. • Lehenengo edizioak arrakasta handia izan zuen, eta 3.000 lagunetik gora ibili ziren pintxo-ibilaldian. • Lehenengo edizioan parte hartu zuten establezimenduen ia halako bi dira aurtengoan.
Kaleko musikaren nazioarteko Haizetara jaialdiaren VIII. edizioa prest dauka Amorebieta-Etxanoko Udalak.
• Jadanik erabat finkaturik dagoen fanfarreen, banden eta kaleko musikaren jaialdia ekainaren 21ean, 22an eta 23an ospatuko da. • Banden musika estiloak bariatuak dira: hasi dixieland estiloan eta heavyraino, funka, 70eko musika, latindarra, Balkanetakoa, reggaea, jazza, perkusioa, eta abar alde batera utzi gabe. • Taldeek 10.000 euroko saria irabaz dezakete; publikoaren sari berezia, 4.000 eurokoa, ere badago, eta instrumentu-jolerik onenarentzako saria ere bai, 1.000 eurokoa. • Beste urte batez, hasiera emango dio Jaialdiak udalerriko udaldiko kultura eta aisialdi programazioari. Joan den urtean 3.000 lagunetik gora erakarri zituen Amorebieta-Etxanoko Pintxoen Ibilbidea gauzatzeko, “Zornotzan JAN ALAI” programa, aire zabaleko Enrike Renteria pintura lehiaketa eta herriko jaiak dira uda sasoiko gainerako programa aipagarrienak.
Amorebieta-Etxano eta Galdakaoko Udalek, eta Arratiako Mankomunitateak jaietatik etortzeko gaueko autobusa martxan jarri dute
• Zerbitzua Igorreko jaietan hasiko da
Dohaineko WIFI zerbitzua ezarri du Amorebieta-Etxanoko Udalak Dudagoitia, Etxano, Euba eta San Migel auzoetako plazetan
• Wifi zerbitzua hiriguneko espazio publiko garrantzitsuenetan ezarri ondoren, konexio sistema hori auzoetako plazetan ezartzeari ekin dio Udalak. • WIFI zerbitzua erabilgarri dago Dudagoitia, Etxano, Euba eta San Migel auzoetan. • Ekimen honi esker, kablerik gabeko Interneterako konexioa gauza daiteke dohainik auzootako plazetan. • 256 KBp-ekoa da deskarga-abiadura, Telekomunikazioen Merkatuaren Batzordeak dohaineko sarbideetarako baimentzen duen altuena. Banda-zabalera hori nahikoa da web orrietara, prentsa digitalera, norberaren postara, aldiuneko mezularitzara, eta abarretara sartzeko.
Udalerriaren toponimia mapa argitaratu du Amorebieta-Etxanoko Udalak
- Historia eta kultura ondarearekin lotutako eremu garrantzitsu hau zornotzarrei hurbiltzea izan da proiektuaren helburua. - Udalerriko toponimoak biltzeko proiektuari ekin zion Udalak tokiko historiaren atal esanguratsua direlako eta asko zirelako aurrerapenak irentsita, desager zitezkeen toki, baserri, iturri, baso... izenak. - Euskaltzaindiaren lankidetzaz, Udalak deitu zuen bekaren bidez gauzatutako bilketa-lanaren ondoren, Amorebieta-Etxanoko toponimiaren paperezko mapa argitaratu da orain. - Maparen ale bana helaraziko da udalerriko etxe guztietara.
Hitzaldia antolatu du Amorebieta-Etxanoko Udalak edadekoen elikadura-ohitura osasuntsuei buruz
• Ekainaren 6an izango da, arratsaldeko 17:00etan, Zelaieta zentroan.
Haizetara 2013. Fanfarren, banden eta kale musikaren naziorteko lehiaketa
2013ko ekainaren 21, 22 eta 23a HAIZETARA kaleko musika taldeen nazioarteko lehiaketa da, eta zortzigarren edizioa 2013ko ekainaren 21, 22 eta 23a biltzen dituen asteburuan gauzatuko da Amorebieta-Etxanoko (Bizkaia) kaleetan zehar Urtero ospatzen da lehiaketa, eta bertan parte hartu nahi duten kaleko musika-talde guztiei dago irekita, baldin eta hautaketa prozesua gainditzen badute. HAIZETARA, Amorebieta-Etxanoko Udalak kultura zerbitzuetarako daukan AMETX Erakunde Autonomoak antolatuta dago.
Omenaldia egingo dio Amorebieta-Etxanok Zornotza Saskibaloi Taldeari
- Ostiralean, maiatzak 31, arratsaldeko 18:00etan, harrera egingo zaie udaletxean. - Osoko Bilkuren aretoan erakunde-harrera egin ondoren, garaikurra erakutsiko diete taldekideek ekitaldian parte hartzera Herriko plazara hurreratzen diren zornotzarrei. - Adecco Zilarra (LEB Liga) mailara igo da talde zornotzarra
Emakumeen Osasunaren aldeko Nazioarteko Ekintza-Eguna ospatuko du Amorebieta-Etxanoko Udalak
• Goi mailako 69 kirolariren argazkiak biltzen dituen “Aurrera beti, emakume kirolariak” erakusketa dago ikusgai Zelaieta zentroan. • Emakumeentzako bi kirol proba herrikoi izango dira ekainaren 1ean: lau kilometroko martxa eta milia bateko krosa. • Txikientzat gozagarri Txiki-Olinpiadak: futbol-hockey, mini-golf, herri-kirol, eta patinaje eta skate txapelketak, besteak beste direla.
Aukeran dantza konpainiak emango dio ostiralean amaiera, “Burnia” izeneko ikuskizunaz, Zornotza Aretoko denboraldiari
• “Burnia” ikuskizuna, bazkideentzat dohainik eskainiko dena, Bilboko eta Bizkaiko siderurgia industriaren historiaren isla da • 2002an Narratiba Sari Nazionala irabazi zuen Unai Elorriaga idazlea da gidoiaren egilea, eta Fernando Velázquez konpositorearen obra, berriz, lan honen musika. • Aukeran konpainiak euskal dantza tradizionala du oinarri, eta dantza garaikidera hurbiltzen duten koreografiak darabiltza bere lanetan.
Barruan dauden Karpeta Argiak:
- Udalerriko langabetuak kontratatzen dituzten tokiko enpresak subentzionatuko ditu Amorebieta-Etxanoko Udalak
- • Udalerrian lana aurkitzeko eta tokiko enpresek udalerriko langabetuak kontratatzeko aukerak areagotu nahi ditu Udalak ekimen honen bidez, gaur egungo egoera ekonomikoak gehien kaltetzen dituen taldeei era berezian erreparaturik. • Kontratazioen Gizarte Segurantzaren gastuak estaliko ditu diru-laguntzen zenbatekoak. • 100.000 euroko aurrekontua erabiliko du Udalak ekimen honetarako.
- Albisteak
- concurso-de-carteles-para-mangamore