Erabiltzaileei zuzeneko informazioa ematen dieten hiru plasma-pantaila berri ezarri dira Zelaieta zentroan. Ekimen honen bidez, kultura programazioaren azken berriak zuzenean jaso ditzakete zentrora datozenek.

Ametxen eskaintzen diren diziplinetan hartutako irudiak ere ikusgarri daude pantailotan, osagai bisuala eta didaktikoa erantsirik.

Zine eta antzerki ikuskizunen aurrerapena, ikastaroak, umeentzako eta gazteentzako programak, eta matrikulatzeko eta eskariak entregatzeko prozesuen gaineko informazioa dira, besteak beste, pantailetan azalduko diren informazioak, hiritarren eta toki-administrazioaren arteko harremana  modu nabarmenean erraztuz.

Udalerriko kultura taldeek ere izango dute pantailaren bidez beren jardueraren berri emateko aukera, eta horri esker, elkarteek sorrarazten dituzten ekintzak eta egitarauak zuzenean helaraziko zaizkie Zelaietako erabiltzaileei.

Ikus-entzunezko euskarri hau informatika-zerbitzari bati konektaturik egongo denez, munduko edozein tokitan Internet bidez sortutako informazio interesgarri guztiak hedatzeko posibilitatea izango da.

Ikus-entzunezko azken teknologien aldeko apustu honen bidez, informatika-sistema honen bidez kudea daitezkeen formatuak erabilgarri izango dira. Hasi irudietatik (GIF, JPEG, BMP...), Animaziotik (Macromedia flash, GIF...), Bideotik (MPG, DVD, AVI, Quicktime...), edo Soinutik (MP3, WAV...) eta Power Point eta zuzeneko Telebistaraino.

Pantailak 42 hazbetekoak dira, eta toki estrategikoetan daude jarrita. Eraikinera sartu gabe ere, badago pantailetako bat bistaratzerik.