Udalbatzak ekainaren 24an, goizeko 8:30ean, ondorengo zerrendako gaiak aztertu eta horien gaineko erabakiak hartzeko egingo duen ohiko Osoko Bilkurara etor zaitezen dei egiten dizut. Hauxe da

GAI ZERRENDA

1.- Apirilaren 29an egindako bileraren akta.

2.- Maiatzaren 27an egindako bileraren akta.

3.- “Amorebiziz”, maileguan bizikletak uzteko zerbitzua, arautzen duen udal Erregelamendua aldatzea hasiera batean onestea (esp.: 10-2576).

4.- 3.500.000 euroko kreditu eragiketa bat burutzea onartzea, 2010. ekitaldiko udal aurrekontuaren barruan dauden inbertsioak finantzatzeko (esp.: 10-2408).

5.- Bateragarritasun Plana prestatu eta izapidetzea Lemoako Udalaren esku uzteko erabakia, honako hauek kontuan hartuta: Lemoako udalerrian kokatuta dagoen jarduera ekonomikoen lurzoru urbanizagarriaren  S.1.2 sektorea eta Amorebieta-Etxanoko udalerrian kokatuta dagoen Markesasti auzoan eragindako lurzoru urbanizaezina (esp.: 09-4211).

6.- Hiriguneko Bizitegi Hirilurreko “O” Exekuzio Unitateari dagokion Hiri Antolamenduko Plan Berezia behin betiko onartzea (esp. 10-1407).

7.- EAJ-PNVren mozioa, Euskadin trenbideak eraikitzeko lanak ez atzeratzeko, bereziki AHTrenak, eta AHTren obrak Amorebieta-Etxanon eragin ditzakeen ondorioen gaineko kudeaketa egokia egin dadin eskatuz (esp.: 2744).

8.- Saioa Agirreren atxiloketa dela-eta, ezker abertzaleak herrian banatutako orriei buruzko idazkia.

9.- Eskaerak eta galderak.

Amorebieta-Etxanon, 2010eko ekainaren 21ean.

ALKATEA,

Izp. David Latxaga Ugartemendia

OHARRA: Bilera hau lehen deialdian ezin badaiteke egin, bigarrenean egingo da, berrogeita zortzi ordu geroago.