Mur Afrikatik etorri da eta Txema hemen bizi da. Elkar ezagutu eta lagun egiten dira. Broderrek uste du kontuz ibili behar dela beltzekin. Beren familiek ez dute begi onez ikusten. Zein polita den desberdintasuna! Zenbat kolore eta forma! Batzuk altuak, besteak baxuak; batzuk lodiak, eta besteak meheak. Zein polita den desberdintasuna! Zuriak eta beltzak... Ala ez?

“Esan gezurra, besteek sinesteko” Wilt XX. mendeko liburu anker eta komikoenetakoa dugu. Tom Sharperen lana da, lehenengo aldiz taularatuko dena, eta zinezko ikurra literatura garaikidean, batez ere, komediaren alorrean. ADOS teatrokoek ikuskizun dibertigarria, garratza, entretenigarria eta aldi berean, hausnarketara eramango gaituena, egin dute. Batzuetan gezurra esatea beharra dago besteek sinetsiko badigute

Zuria neguagatik eta gorria neguko distiragatik… Ninika gorputzaren oda dugu, jantzien eta mugimenduen bitartez egina. Sentsualtasunez betetako ikuskizun paregabe horretan, haurrek eta helduek une ahaztezina igaroko dute elkarrekin. Hiru dantzarirentzako koreografia-lan honetan poesia eta absurdotasuna korapilatzen dira hainbat sainetetan

Emakumeek egindako laburmetraien selekzioa

Oakland-eko (Kalifornia) banda hau musika amerikarraren erroetan murgilduko da, blues, soul, gospel, second line New Orleans Jazz eta rhythm&blues estiloak besarkaturik. Emanaldietan, erritmo eta musika-tresna tradizionalak, lixibarako taula edota Soul Tuba –hari bakarreko giderrarekin batutako kuboa, antzina kontrabaxu gisa erabili ohi zena- kasurako, nahasten dituzte euren jatorrizko musikarekin. Ahotsen armonia, haize-tresnen konponketa zainduak eta New Orleanseko txokorik sakonenetatik erauzia izan den erritmo-sekzioa nabarmentzen dira euren lanean

DANTZAZ konpainiak Itzik Galili maisu ospetsua izan du berriro lankide ARTE-AN lanean. Oraingo honetan, Israelgo koreografoak Earth Apples bikaina berrartu du sortze lan berria eskaintzeko\: Flash de Luxe. Paxkal Indo konpositorearen melodia sortzailea, perkusioek eta txalapartak dakarkigutena darabil euskarri. Bere gaztaroan, interes handiko ibilbidea egina duen Lukas Timulak koreografo eslovakiarra ere izan du kolaboratzaile konpainiak, A place between atalean

Antzerkiaren nazioarteko eguna

Urruma egiten duen katua, miauka dabilen txakurra, kuakua egiten duen behia eta ahate zaunkaria aurkitu dituen gizonaren istorioa kontatzen du Los animales de D. Baltasar antzezlanak. Hitzik gabeko ikuskizuna, onomatopeiak, irudiak eta musika protagonista dituena, umorez eta jolasez blai dagoena

Baso sakonean etxe bat, bidexkaren amaieran eskola, barazkiak gau eta egun. Odolaren usain gatzitua. Oilar axolagabea, azeria, otsoa, ehiztariak, umeak eta ogroak. Ogro txiki bat... Ogro txikiak iruzur egingo dio bere patuari. Hiru froga gainditu beharko ditu ogro senari eta desio basatiei aurre egiteko. Aitarengandik jaso du haragi xamurrarenganako gogoa. Amak, aldiz, munduarekin bakean bizitzeko grina oparituko dio

2010eko euskal film labur onenen bilduma

30 urte luzeko ibilbidea gauzaturik eta 2010ean Kultura Ministerioak ematen duen Antzerti Sari Nazionala jasota, Jerezeko konpainia berezi hau berriro datorkigu Zornotza Aretora azken lanaren aurkezpena egitera\: Nadie lo quiere creer. La patria de los espectros. Mamuak azalduko dira bertan, hondarren eta ispiluen babespean... eta galduta dagoenaren sentimenduan jalgiko dira, sekula edukiko ez dugunaren grinan eta inoiz lortu ez izanaren etsipenean. Seguru aski, La Zarandaren ikuskizunik “klasikoena”

Areto antzerkia, kale antzerkia, musika...